sidebar
Cruschada

località

Ma ingio es vairmaing la Cruschada?

“A Crusch rivà pro’l ustaria…” disch la chanzun da Men Rauch. Nus dschain: A Crusch rivà pro’l üert da Cilgia, pro la Cruschada!

Crusch es üna pitschna fracziun attachada uriuntamaing al cumün da Sent, daspö quist on es quai il cumün da Scuol immez l’Engiadina Bassa (GR). A Crusch as chatta quatter chasas – üna cotschna, üna verda, ün’alba ed ün’orandscha. Pro quista fracziun culurida tocca pro eir amo üna stalla e güst sur quella es situà ün üert plain culuors: la Cruschada!

La Cruschada as rechatta sün 1200m s.m. sülla costa dal süd cun vista sülla chadaina da muntognas chi cumainza i’l ost cul Piz Lad, sur il Piz S-chalambert, il Piz Agüz, il Piz Lischana fin vi pro’l Piz Pisoc i’l vest. In quista regiun alpina cumainza üna stagiun da üert in mai e finischa il plü tard in october.

Co rivar a la Cruschada?

Per rivar a Crusch daja differentas pussibiltats.

  • Cul trafic public: Ün auto da posta parta minch’ura cun coliaziun da tren davent da Scuol a Martina cun üna fermativa a Crusch. Davent da là esa be amo da chaminar 3-5min fin sü pro’l üert da la Cruschada.
  • Cul auto privat: Crusch as rechatta sül stradun 5km davent dal cumün da Scuol in direcziun Martina – Samnaun. Plazzas da parcar mettaina a disposiziun güst dasper il üert.
  • A pè: Il üert da la Cruschada es situà precis al ur da la senda pedestra chi maina da Sent giò Sur-En. Quai es üna bella spassegiada da circa 30 minuts tras prada e champogna .

 

Scha vus vais istess amo difficultats da chattar il lö, pudais adüna e jent tour sü contact cun nus. giardinaria@cruschada.ch

localita_cruschadaQuist pitschen sböz pudess güdar a vo a chattar la via!

 

Per daplüssas infuormaziuns da la regiun:

http://www.sent-online.ch

https://de.wikipedia.org/wiki/Unterengadin

http://www.engadin.com/ferienorte/engadin-scuol/?S=1&R=2