sidebar
Cruschada

Pagina da cussagls

La tscherna da la verdüra per l’agen üertin nun es adüna fich simpla. Id es da decider la prümavaira per il resultat chi’s vezza pür d’instà. Ed i nun es nimia simpel dad ingiavinar quanta racolta chi’s tschüffarà. Sco possessur da üert es l’incletta dal svilup da las plantas importanta. Parquai as laina güdar cun ün pêr cussagls per far vos üert.

  1. Üna planta da zucchetti basta per tuot la stà e per üna famiglia intera.
  2. Eir scha Cilgia implanta la salatta (da cop) in differents etappas nu’s poja far quint cun üna racolta tras tuot la stagiun. La stagiun da salatta in Engiadina es be dürant gün e lügl.
  3. Carottas, ronas, tschiguollas, puorv gross ed eir ils giabus (oter sco broccoli e cardifiol) as poja conservar fich bain dürant l’inviern e pon eir gnir implantats (o semnats) in grondas quantitats.
  4. Sajat consciaints cha las piessas, las föglias da capuns, las spezchas ed erbas creschan adüna darcheu davo. La faschöla as poja racoglier almain duos jadas. Ed eir ils broccolis fan adüna darcheu pitschens “cheuïns” chi’s po eir mangiar.
  5. Il giabus spennà (e quel da palma) prodüa ün vaira grond volumen da föglias. Quellas as poja però cleger per davo la prüma dscheta (ils prüms dis fraids).
  6. Il masdügl da differentas sorts da verdüra in ün üertin po avair fich ün bun effet. I dependa però fich ferm da la cumbinaziun da sorts da verdüra. Per bunas cumbinaziuns pudais congualar ils üerts proponüts da Cilgia (disegns suotvart). Vus pudais però eir sainz’oter tils adattar tenor vos gust. Scha la cumbinaziun da verdüra füss fich disfavuraivla, as contactarà Cilgia per müdar quai.

 

Quia ün pêr propstas da üerts equilibrats da ca. 1m lunghezza (ca.80.-) (tenor quantità e bunas cumbinaziuns da sorts verdüras):