sidebar
Cruschada

nossas sportas

 

1. CREAR E POSTAR ÜN AGEN ÜERTIN

2016-07-18 16.27.42Eir quista stagiun vais darcheu la pussibiltà da crear ün agen üert sün quista pagina e til postar tras internet. Nus til implantain e semnain lura tenor vos giavüschs e til chürain tenor nos meglder savair e pudair. Regularmaing, mincha mais as tgnaina al curraint da vos üert cun üna fotografia. Vossa racolta vain missa pronta a Crusch o bain cha nus tilla furnin fin davant  vossa porta scha vus abitais  in ün dals cumüns da Scuol o Valsot.

 

Chi chi vess interess da metter svessa seis agen üert dess indichar quai sül formular da postaziun. Cilgia piglia lura sü contact cun vus per planisar ün termin.

Predsch: 80.- CHF pro meter-era*(=11000cm2)! Ils sems ed implants sun inclus!

Quia vais üna survista dals prodots per scheglier in vos üert.

E quia cumainza!

Bun divertimaint cun far üert!

 

Important e na d’invlidar: Ün üert nun es ün center commercial chi spordscha adüna e sainz’exepziun tuot! Racolt e furni vaina subit cur cha la natüra cumonda e be lura! Implü es ün üert 365 dis l’on suot tschêl avert.  – Garanzia nu daja ingüna per nüglia! Nus impromettain però da chürar cun gronda premura vos terrain. Natüralmaing pudais eir visitar la Cruschada cur chi’s plascha. Nus ans allegrain da’s imprender a cugnuoscher.

 

 

2. CHAISTA CUN SURPRAISAS FRAIS-CHAS E FLUORS.

2016-07-21 12.54.53 (1)

Eir dürant la stagiun da üert 2016 vegn darcheu implida mincha bunura la chaista davant la chasa verda (305) a Crusch cun da tuotta sorts surpraisas frais-chas (verdüra, frütta, fluors) da la Cruschada.

Il predsch es adüna indichà direct sül prodot!

Üna cassina per metter aint il rap es francada dasper la chaista.

img-20160810-wa0002

 

 

Implü: La Cruschada es part da la pauraria biologica da la famiglia Rauch. Tuot ils prodots vegnan cultivats tenor las normas da bio-suisse.

stalla_logo_151013-kopie