Chaista be surpraisas – verdüra fais-cha e fluors
Eir dürant quista stagiun da üert vain darcheu implida mincha bunura la chaista – chi’s rechatta aint il char vegl davant il bain da famiglia Marti a Crusch – cun da tuottas sorts surpraisas frais-chas (verdüra, erbas, frütta, fluors) da la Cruschada. Tuot biologic!
Il predsch es adüna indichà directamaing sül prodot!
Üna cassina per metter aint il rap es francada dasper la chaista. I’s po al cas eir pajar cun TWINT.
Il char sarà impli cun prodots (il prüm suvent cun implants) davent da la mità d’avrigl, il plü tard il cumanzamaint da mai, e düra fin tard aint pel october. No as tgnain quia al curraint cur chi’d es lura uschè inavant chi’s po eir propcha chattar prodots sün nos char.
